DOWN Vigo renova a súa colaboración coa empresa SMRC Automotive
Este convenio reafirma o compromiso da multinacional coa inclusión sociolaboral das persoas coa Síndrome de Down e diversidade intelectual
DOWN Vigo acaba de renovar o seu convenio de colaboración con SMRC Automotive, multinacional do sector da automoción. O compromiso da empresa coa nosa entidade quedou demostrado ao longo dos anos, con dúas incorporacións laborais e varias visitas didácticas á fábrica que teñen en Salceda de Caselas.
Así, o alumnado do Programa universitario para o emprego e a vida autónoma puido coñecer recentemente o funcionamento da nave de producción e os principais procesos loxísticos da actividade diaria grazas a unha visita guiada.
Agradecemos a SMRC o seu compromiso coa nosa entidade, que leva demostrando durante anos grazas a diversas oportunidades de inclusión laboral e outras colaboracións en forma de donativo. Durante este tempo, foron un exemplo para que outras empresas do sector da automoción abran as súas portas a persoas coa Síndrome de Down e diversidade intelectual e confíen na metodoloxía do Emprego con Apoio.
