DOWN Vigo conmemora o Día Mundial da Síndrome de Down cunha nova edición do Desfile Inclusivo no CC Vialia
- O evento, promovido por Decathlon e no que tamén participa Discamino, será o próximo venres 22 de marzo ás 17:00 horas
- Desta maneira, unímonos ao Movemento Down en Galicia, que este ano organiza a súa gala anual en Ferrol
- Pola súa parte, a campaña de Down España reivindica máis oportunidades de emprego co lema #Extracapacitados
DOWN Vigo conmemora o Día Mundial da Síndrome de Down, que terá lugar o próximo 21 de marzo, para, un ano máis, visibilizar a inclusión real e romper os estereotipos que aínda permanecen na sociedade.
O venres 22 de marzo ás 18:00 horas celebrarase o II Desfile Inclusivo, en colaboración con Decathlon e Discamino, no escenario Vigo Exporta (planta baixa) do centro comercial Vialia. Trátase dunha iniciativa solidaria que busca sensibilizar acerca dos valores do deporte: cooperación, esforzo e traballo en equipo. Persoas coa Síndrome de Down e outras diversidades compartirán pasarela con traballadores/as de Decathlon, para entre todos amosar que todo tipo de actividade física pode ser unha ferramenta de desenvolvemento individual e colectivo. Ese mesmo día, ás 17:00 horas terá lugar un taller infantil que fomentará o valor da diferenza e a diversidade.
Acto de Down Galicia
O Movemento Down en Galicia organizará o seu acto anual co que busca dar visibilidade ás persoas coa Síndrome de Down e facer oír as súas reivindicacións. O evento será no Teatro Jofre de Ferrol a partir das 19:00 horas do xoves 21 de marzo.
Campaña de Down España
Con motivo do Día Mundial del Síndrome de Down, Down España lanza a campaña “#NoSomosUnEstereotipo, somos mucho más”, co obxectivo de cambiar a forma de ver ás persoas coa síndrome de Down, que a cotío está cargada de prexuizos e mais estereotipos que dificultan a súa inclusión na sociedade.
