Viaxamos a Benidorm!
- Como cada ano, a área de Autonomía organizou unha viaxe grazas á convocatoria do IMSERSO (Instituto de Maiores e Servizos Sociais)
- Nove mozos da entidade, xunto á dos profesionis, visitaron Benidorm, Altea e mais o parque de atraccións Terra Mítica
Este mes de maio vai ser difícil de esquecer para Bibi, Dani, David, Paula, Ramón, Rocío, Sara e Tamara. Os nove, xunto ás súas profes María e Patri, participaron na viaxe do IMSERSO que, como cada ano, organiza Down Vigo. Nesta ocasión, visitaron Benidorm, Altea e o parque de atraccións Terra Mítica. A experiencia non puido ser máis positiva: moitas risas, primeiras veces en avión e moito sol!
Nada máis chegar ao hotel, xa lles esperaban moitas actividades de lecer: piscina, campionato de billar e baloncesto acuático, clases de baile latino, concertos… Esta viaxe foi unha ocasión perfecta para probar primeiras veces: viaxando en avión, durmindo fóra de casa ou visitando unha cidade nova. Ademais de Benidorm, o grupo visitou o pobo de Altea. Tras consultar na oficina de turismo, visitaron o casco antigo e o Museo Casal do Fester, onde se ensina a tradición de mouros e cristiáns. Menos mal que estaba o mapa para aprender a movernos por unha cidade nova! Por suposto, non podían volver sen gozar de Terra Mítica, parque de atraccións que se basea en antigas civilizacións do Mediterráneo, representadas en cinco zonas temáticas: Exipto, Grecia, Roma, As Illas e Iberia.
Aproveitando o bo tempo, percorreron o paseo marítimo de Benidorm ata o Balcón do Mediterráneo. Sen dúbida, foi unha experiencia inesquecible xa estamos a desexar repetir!
