Recibimos unha doazón de equipo informático grazas a Fundación Ayesa

• A entidade xa está empregando os dez equipos informáticos e un switch de red

DOWN Vigo ven de recibir unha doazón de equipo informático grazas a Fundación Ayesa, a través dunha convocatoria para crear salas de informática en entidades sociais. O obxectivo é prestar un mellor servizo ás persoas que asisten á entidade grazas á doazón de equipos informáticos de segunda man.

Así, a entidade recibiu un total de dez equipos informáticos (concretamente ordenadores portátiles) e un switch de rede, que permite aumentar o número de conexións dispoñibles e crear unha rede de datos. Grazas a estes recursos, as persoas que asisten á entidade poderán mellorar a súa formación en novas tecnoloxías, e así reducir a fenda dixital do colectivo de persoas con Síndrome de Down e diversidade intelectual.

Esta doazón permitiu a creación dunha aula de informática itinerante, o que permite organizar diferentes grupos de traballo dentro da aula, adaptándonos así ás diferentes realidades formativas. Cabe destacar que o uso das ferramentas informáticas é transversal en todos os aspectos da vida persoal e profesional da persoa con Síndrome de Down e discapacidade intelectual.

Entre os contidos que se traballan nesta aula de informática itinerante, destacan as habilidades ofimáticas básicas (procesadores de texto, procura de información en páxinas web etc.)/ etc.); a xestión de trámites administrativos en liña e certificados dixitais; a procura activa de emprego utilizando novas tecnoloxías ou o uso das últimas aplicacións educativas.