Ponteareas acolle a carreira urbana nocturna “6h Vila do Corpus”
- A carreira, que este ano celebra a súa V edición, será o sábado 13 de xullo a partir das 20 horas
- O evento está destinado a recaudar fondos a beneficio de Down Vigo
O vindeiro sábado 13 de xullo é un día especial para Down Vigo. Celébrase a Carreira Nocturna Vila do Corpus, que por quinto ano ponse en marcha para recadar fondos a beneficio de Down Vigo. Corredores Festeiros é a entidade organizadora.
O circuíto urbano percorrerá o centro de Ponteareas, partindo da Praza Maior ás 20 horas. O obxectivo é percorrer o centro urbano, tendo a opción de realizar un percorrido adaptado. A área de Autonomía, como cada ano, está a organizar unha saída especial con usuarios/as e familias, para así visibilizar o traballo diario da entidade e a participación inclusiva en todas as esferas da sociedade, incluíndo o deporte. O día da carreira, teremos dispoñible unha caseta para quen queira colaborar adquirindo algún dos produtos solidarios.
As inscricións para participar na carreira poderán tramitarse en liña na páxina web de CC Norte. Para máis información, podes consultar na asociación ou nas redes sociais de Corredores Festeiros.
