Participamos na Semana da Administración Aberta 2024 do Consorcio Zona Franca

• O alumnado do Curso de Especialización visitou a sede do organismo grazas a unha visita guiada nas súas Xornadas de Portas Abertas
• Durante o percorrido, puideron conocer máis acerca da actividade do Consorcio en Vigo, como motor do desenvolvemento económico e industrial da cidade

Seis alumnos/as do Curso de Especialización participaron na Semana da Administración Aberta 2024, iniciativa cuxo obxectivo é dar a coñecer os recursos das Administracións Públicas que están ao servizo da cidadanía. Así, nas súas Xornadas de Puertas Abertas tivemos a oportunidade de percorrer a nova sede do Consorcio Zona Franca, situada na C/Arenal, 46 (Vigo).

A saída didáctica consistiu nun percorrido gratuíto nun autobús polo litoral marítimo da cidade, pasando polos recintos da Zona Franca de Bouzas e de Balaídos. No traxecto explicaron a actividade do Consorcio en Vigo e a súa área de influencia, así como os distintos proxectos que lidera a Zona Franca para impulsar o desenvolvemento económico e polo tanto a creación de emprego na cidade. A continuación visitaron as instalacións centrais do Consorcio, un histórico edificio vigués que foi o primeiro gran palacete residencial moderno, datado no ano 1865. Neste tempo, foi vivenda particular, sede do Banco de España, Goberno Militar, Concello, Reitorado da Universidade, e agora sede do Consorcio da Zona Franca de Vigo.

Agradecemos ao Consorcio Zona Franca o seu compromiso coa inclusión, que queda demostrado con cada unha das súas iniciativas.