Participamos na 3º edición do programa Xuventude Mentoring da Xunta de Galicia
- O programa ofrece estadías formativas para máis de 150 mozos en entidades xunto a un plan formativo
O programa Mentoring da Xunta de Galicia clausurou a súa terceira edición cun acto na sede da Asociación de Empresarios de Mos (AEMOS), situada no parque empresarial PEMOS. O acto tivo a presenza institucional de, entre outros/as, a directora xeral de Xuventude da Xunta de Galicia, Lara Meneses; a alcaldesa de Mos, Nidia Arévalo; e o presidente de AEMOS, Manuel Castro, anfitrión da xornada.
O programa Xuventude Mentoring na Empresa 2025, promovido pola Consellería de Cultura, Lingua e Xuventude da Xunta de Galicia e xestionado por AEMOS está cofinanciado pola Unión Europea e ten como obxectivo mellorar a empregabilidad de mozas mediante estadías formativas remuneradas en empresas locais. Así, Down Vigo formou a dous participantes con Síndrome de Down ou diversidade intelectual durante o últimos catro meses. Outras empresas colaboradoras foron Grupo Copo, Folerpa ou Activa Emprega EI. Todas vinculadas a sectores estratéxicos na comunidade como a aeronáutica, a agroalimentación, a biotecnoloxía, a automoción, as enerxías renovables, o naval, a pedra natural, a madeira, o téxtil ou a moda, as tecnoloxías da información e da comunicación ou o que ten que ver coa calidade de vida e benestar.
