O grupo de Autoxestores visita A Coruña cos mellores anfitrións ¡os seus compañeiros/as!
- Trátase dun novo encontro bilateral entre Down Coruña e Down Vigo
O grupo de Autoxestores, que asiste á área de Autonomía, visitou recentemente a cidade da Coruña, nunha nova iniciativa de Encontro Bilateral. Alí, foron recibidos polos seus compañeiros/as de Down Coruña. Os 28 mozos pasaron un día inesquecible, e reforzaron os lazos de amizade que xa se forxaron en anteriores visitas.
Foron os participantes de Down Coruña quen exerceu de perfectos anfitrións: prepararon un roteiro polos lugares máis turísticos da cidade, tiveron tempo de ir de compras e gozaron o famoso bocadillo de luras do Quiosco Down Experiencia podemos confirmar que é o mellor!
O encontro foi posible grazas á subvención de Política Social e Igualdade que a Federación Down Galicia recibe para destinar a programas de interese xeral para fins de carácter social con cargo á asignación tributaria do 0,7% do IRPF.
