Maleni da vida ao negocio Lamandala
- Lamandala é un micronegocio que crea caixas e kits de benvida con produtos artesáns e de proximidade para regalar, recibir hóspedes ou simplemente compartir
- Maleni, que acode a diferentes servizos da entidade, encárgase de preparar cada caixa con coidado e agarimo, desde o seu pequeno espazo de traballo en Vigo
Dende hai unhas semanas, a vida de Maleni é distinta. Máis adulta, máis autónoma e máis responsable. Lamandala abriu as súas portas nun local na zona de Coia (Vigo), co gallo de dar resposta a unha realidade dolorosa para as persoas coa Síndrome de Down e diversidade intelectual: atopar traballo é moi difícil, cando non imposible. A familia de Maleni, consciente desta realidade, tocou a cantas portas puido ata conseguir que Maleni teña o seu porvir en forma de micronegocio.
Así, cada día ten a responsabilidade de darlle vida ó seu local no barrio de Coia, atender á clientela que se achega e confeccionar os pedidos, caixas de regalo cheas de productos artesás e de proximidade, con coidado e agarimo. A súa especialidade son as caixas Lamandala e os kits de benvida e servizo de coanfitriona para aloxamentos turísticos.
Cada pack forma parte dunha tirada exclusiva e limitada, preparada a man por Maleni. Cada mes, un colaborador especial patrocina estas caixas gourmet, que están disponibles no local de Lamandala ata fin de existencias. As reservas pódense facer a través de Whatsapp no número 659789115.
Dende a nosa entidade desexamos para Maleni o mellor futuro posible: autónomo, independiente e inclusivo ¡parabéns por ser exemplo!
