Flor asina un contrato indefinido como persoal de limpeza no centro de adestramento persoal .activ Vigo
- Trátase dunha gran oportunidade para “gañar diñeiro e poder vivir de forma independente algún día”
- As súas tarefas principais son a desinfección e limpeza das instalacións
Flor acaba de asinar o seu primeiro contrato indefinido, grazas a unha oportunidade laboral en .activ Vigo como persoal de limpeza. Neste centro, especializado en exercicio físico para a mellora da saúde e o rendemento deportivo, encárgase da desinfección e mantemento das instalacións e espazos comúns tres días á semana. Desde hai semanas, combina esta responsabilidade laboral coa súa asistencia a Down Vigo, concretamente ás áreas de Formación e Emprego con Apoio.
As primeiras impresións de Flor son moi positivas. sente cómoda co posto de traballo, polas tarefas que realiza. Como ela mesma explica, “gústame limpar, os baños e todo”. A súa formación e experiencia durante estes anos sen dúbida axudan a que esta experiencia sexa positiva para ela. Ademais de estar afeita aos postos de fronte ao público grazas á súa experiencia como reponedora, conta con formación especializada en Limpeza e tratamento de superficies.
Para Flor, o principal beneficio desta oportunidade laboral é a autonomía que lle brinda para poder desenvolver o seu proxecto persoal: “podo gañar diñeiro, a ver se algún día puidese vivir de forma independente”.
Desde Down Vigo desexámoslle o mellor nesta nova etapa e agradecemos a .activ Vigo o seu compromiso coa inclusión de persoas con Síndrome de Down e diversidade intelectual.
