Estrenamos a obra “A Maxia da Cor”
- A cita é o xoves 30 de abril ás 20:00 horas no Auditorio do Concello de Vigo
- As entradas xa están disponibles en Recepción
O vindeiro xoves 30 de abril, ás 20.00 horas, os grupos que asisten ao servizo de Musicoterapia da entidade subiranse por terceira vez ao escenario dirixidos polo técnico de Inclusión Educativa Erick Alexander Corrente. A cita será no Auditorio municipal do Concello de Vigo e promete encher de cor ao público.
Para asistir será imprescindible adquirir unha das entradas que xa están dispoñibles na sede de Down Vigo (Rúa Real, 47), en horario de mañá e tarde (de 09:00h a 19:00h). A capacidade do auditorio é limitado, polo que en caso de non ter entrada non se poderá acceder.
A MAXIA: PROXECTO PROTEUS
O evento escenográfico e musical que dá sentido a ‘A Maxia’ prepárase durante meses. As persoas participantes, alumnado e técnicos da entidade, achegan moitísimo esforzo e cariño para ensinar a familiares e coñecidos/as que a cor está nas pequenas cousas que compartimos xuntos/as.
En 2023, A Maxia das Emocións marcou un antes e un despois na vida da entidade. As artes, as sensacións e os sons convertéronse nunha canle de expresión. De inquietudes, de momentos vitais e de compañeirismo. O resultado foi un auditorio rendido ao talento dos mozos e mozas que participaron na obra, e ao traballo de todo o persoal de profesionais. O resultado foi un evento escenográfico musical que axuntou ténica e cariño.
En 2024 quixemos máis. E chegou A Maxia da Vida para sacudir os corazóns. A todo o talento artístico engadímoslle máis: os nosos ideais. Para converter as artes escénicas nun trampolín de traballo e talento. Para que todo o público comprobase a profesionalidade e o pensamento crítico das persoas con Síndrome de Down e diversidade intelectual.
En 2026, damos un paso máis. Porque temos moito máis que dar. Vémonos o 30 de abril no auditorio do Cocnello de Vigo (Praza do Rei, S/N), ás 20.00 horas.
