Banco Mediolanum recadará fondos a beneficio de Down Vigo na Porrigalia Race coa iniciativa solidaria ‘O meu gran de area’

• A carreira infantil celebrarase o sábado 13 de xullo ás 17 horas no Porriño
• A ‘fila 0’ para colaborar está dispoñible na plataforma de crowdfunding ‘O meu gran de area’

Banco Mediolanum renova o seu compromiso coa nosa entidade poñendo en marcha unha nova edición da súa iniciativa solidaria ‘O meu gran de area’. Os máis pequenos/as da casa poderán poñer a proba a súa forza e destreza na nova edición de Porrigalia Race, o evento non competitivo que se celebra no Porriño o sábado13 de xullo. Banco Mediolanum habilitou unha ‘fila cero’ co obxectivo de recadar fondos a beneficio da entidade. Ivonne Pousa é a madriña deste evento solidario que ten como obxectivo visibilizar a inclusión das persoas con Síndrome de Down e diversidade intelectual.

Os nenos e nenas de entre 3 e 10 anos poderán participar en dúas modalidades, unha carreira con 500 metros de distancia e outra de 800 metros. A Porrigalia Kids é unha carreira sen carácter competitivo organizada por Noko360 e o Concello do Porriño. O prezo simbólico da inscrición, que será doado integramente á entidade, son 5 euros. A inscrición dá dereito á participación do menor e un adulto acompañante.