A Fundación ONCE colabora con Down Vigo no proxecto ‘Mi menú: proxecto de alimentación saludable’
- A través da convocatoria xeral de axudas para proxectos dirixidos a persoas con discapacidade
A Fundación ONCE colabora con Down Vigo no proxecto ‘Mi Menú: proxecto de alimentación saudable’, para persoas coa Síndrome de Down e discapacidade intelectual.
Así, a Fundación ONCE aportará 4.000 euros para sufragar unha parte do desenvolvemento deste programa, que se imparte dende xaneiro a decembro de 2024.
O proxecto está dirixido a 33 persoas coa Síndrome de Down e Discapacidade Intelectual a partir de 25 anos de idade, que queren mellorar as súas habilidades e destrezas.
O seu obxetivo principal é promocionar unha alimentación e hábitos de vida saudables entre as persoas coa Síndrome de Down e discapacidade intelectual, para mellorar o seu benestar e calidade de vida, desenvolvendo as habilidades e destrezas que son imprescindibles para unha actuación autónoma no seu día a día.
